تعال واملك كل الحنين
هيثم المسلمي
حبيبي ياغلاة الروح والخاطر
تعال احضني واملك كل الحنين
تدري اني اعشقك موت يا ساحر
وانت سر الغلا والحلا وانت الظنين
تعال صافحني وهيج كل المشاعر
أنا المشتاق للمس أيدك أنا الرهين
ماتدري اني لأجلك بس صرت شاعر
وجامح حروفي في شوفتك يستكين
حنيني يشتاقك والجفن دوم ساهر
أنت مرسى المحبة وأنا شراع السفين
أسير مركب الأشواق والشوق ناطر
يرسي على بحور حضنك الدافي الدفين
حبيبي يازهر روحي ياصيفي الماطر
ياصفحة بداياتي ورحيل ماضي الحزين
حبك سكن قلبي تربع في أعلى المنابر
تعانقه عيوني واحساسك المكانة والعرين
من مثلك في طيب قلبك وسمو المشاعر
ياقلب مايهزه الزعل ولاتغيره السنين
من مثلك له روح الوفاء واحساس طاهر
محد بهالدنيا غيرك يشفي صوت الأنين
ليست هناك تعليقات:
إرسال تعليق