جيــــــــــــت دارك

جيــــــــت دارك

هيثم المسلمي

طال صبري في البعاد ياحبيبي
وغصب عني هجرتني باختيارك
قلت لي أبعد وأنا بعدت والحزن يحتويني
لكني بصبر احترم رغبتك وهذا قرارك
ماصار أنك تكون بها الدنيا نصيبي
تمنت عيني شوفك وبالمودة جيت دارك
جمعت كل أوراق الهوى وارتحلت
جيتك ومعي كل خواطرك وأشعارك
جيت ديرتك ودمعي يسابق بسمتي
هزتني شوفة الدار واكتويت بلظى نارك
صرت أناظر باب الدار بعيوني
قلت تعطف علي بنظرة وطال انتظارك
مابغيت إلا انك تذكرني وما تنساني
حبيبك اللي ضحى وبعرسك هنا وبارك
حبيبك اللي وفا لك ومانساك أبد
مغليك اللي في الفرقى أثبت له انتصارك
ابعد وروح واترك الماضي وعذابه
دخيلك لاتنسى قلب بالمحبة خلك وجارك
أبعد وروح وابتسم للحاضر يالغلا
وأنا لي الله بعدك حطها في اعتبارك
هاذي أوراقي مخطوطة بكحل عينك
كل لحن فيها هاجر وسافر يرثي أوتارك
وأعرف انك بقايا جروح تونسني
انذبح ليليك بكياني وامتسح نهارك
هاذي قصتي معك والنهاية معاناة
وانتهت ذكرياتي وبقلبي يحتار اندثارك